शुक्राणूंची संख्या वाढवण्याचे 5 सोप्पे मार्ग….

हे जाणून तुम्हाला आश्चर्य वाटेल की जगभरातील 15 टक्के पेक्षा जास्त कपल्स इन्फर्टिलिटी चे शिकार आहेत. इन्फर्टिलिटीच्या प्रकरणांपैकी 20 ते 30 टक्के पुरुषांमध्ये संबंधित इन्फर्टिलिटीच्या समस्या दिसून येतात. धूम्रपान, मद्यपान आणि विविध प्रकारच्या औषधांच्या वापरामुळे पुरुषांमध्ये शुक्राणूंची संख्या कमी होते, जे इन्फर्टिलिटीचे सर्वात मोठे कारण आहे.

प्रजनन क्षमता सुधारण्याचे मार्ग- इन्फर्टिलिटी ही अशी समस्या आहे की त्यावर उपचार करणे नेहमीच शक्य नसतो. परंतु जीवनशैली आणि आहारातील बदलांसह असे अनेक नैसर्गिक मार्ग आहेत जे पुरुषांमध्ये प्रजनन आणि शुक्राणूंची संख्या वाढवू शकतात.

1.नियमित व्यायाम- नियमित व्यायाम केल्याने पुरुषांमध्ये टेस्टोस्टेरॉनची पातळी वाढते. बर्‍याच अभ्यासांमधून हे देखील सिद्ध झाले आहे की व्यायाम न करणार्‍या पुरुषांपेक्षा व्यायाम करणार्‍या पुरुषांची वीर्य गुणवत्ता चांगली आहे. परंतु जास्त व्यायाम करणे देखील टाळा.

2. स्ट्रेसपासून दूर राहा – कोणत्याही प्रकारच्या स्ट्रेसमुळे तुमचे लैंगिक समाधान तर कमी होतेच परंतु फर्टिलिटीचे नुकसानही होते. टेस्टोस्टेरॉनवर स्ट्रेस हार्मोन कोर्टिसोलचा नकारात्मक प्रभाव पडतो. म्हणून त्यांच्या स्ट्रेसची पातळी कमी करण्यासाठी पुरुषांनी योग आणि मेडिटेशन केले पाहिजे, व मित्रांसमवेत वेळ घालवला पाहिजे.

3.अश्वगंधा सेवण करा- सन 2013 मध्ये केलेल्या अभ्यासात, शुक्राणूंची संख्या कमी असलेल्या 46 पुरुषांना 90 दिवसांसाठी दररोज अश्वगंध 675 मिलीग्राम दिला गेला, त्यानंतर या पुरुषांच्या शुक्राणूंच्या संख्येत 167 टक्के वाढ झाली. अश्वगंधा ही लैंगिक समस्यांच्या उपचारांसाठी भारतीय पारंपारिक औषधांमध्ये वापरली जात आहे.

4.व्हिटॅमिन सी समृद्ध आहार घ्या- व्हिटॅमिन सी केवळ प्रतिकारशक्तीच मजबूत बनवत नाही तर प्रजनन क्षमता सुधारण्यास देखील मदत करते. व्हिटॅमिन सी सप्लिमेंट्स आहार देखील वीर्य गुणवत्ता सुधारते. संत्री, आवळा, लिंबू, स्ट्रॉबेरी, ब्रोकोली, स्प्राउट्स इत्यादी फळे हे व्हिटॅमिन सीचे स्रोत आहेत आणि त्यास आपल्या आहारात समाविष्ट करा.

5. व्हिटॅमिन डीची कमतरता येऊ देऊ नका- पुरुष आणि स्त्रिया दोघांच्या प्रजननासाठी व्हिटॅमिन डी आवश्यक आहे. हे एक पोषक देखील आहे जे टेस्टोस्टेरॉनची पातळी वाढवू शकते. ज्या पुरुषांमध्ये व्हिटॅमिन डीची कमतरता असते त्यांच्या शरीरात टेस्टोस्टेरॉनची पातळी देखील कमी असते.