💁‍♂️ 10, 12वी पास झालेल्यांनो 'हि' काळजी घ्या...!

नुकताच दहावी तसेच बारावीचा रिझल्ट लागला आहे. अशात पुढील प्रवेशाची लगबग सुरू होणे साहजिक आहे. याच दरम्यान अनेकदा कुणाच्यातरी सांगण्यावरून कोणत्यातरी कोर्सला प्रवेश घेतला जातो आणि नंतर आपला मार्ग चुकला हे त्या विद्यार्थ्याला वेळ गेल्यावर लक्षात येते. असे होऊ नये म्हणून विद्यार्थ्यांनी खालील काही गोष्टींची काळजी घेतली तर त्यांना नक्की फायदा होईल.

1. आवड जोपासा : तुम्हाला काय आवडतं याचा आधी विचार करा. कारण जे तुम्हाला आवडते तेच तुम्ही चांगले करू शकता. ज्या गोष्टीत रस नाहीये त्याला प्रवेश घेऊन काहीही फायदा होणार नाही. 

2. योग्य मार्गदर्शन घ्या : बऱ्याजणांना वेळेवर योग्य मार्गदर्शन मिळत नाही. यानेच विद्यार्थ्याचे नुकसान होते. तुम्ही जर कुठे प्रवेश घ्यायचा याबाबत संभ्रम असाल तर तुमच्या शिक्षकांना जाऊन भेटा त्यांना तुमचं मत सांगा आणि मग ते काय सांगतात ते निट ऐका. त्यानुसार तुम्हाला काय वाटते त्याचा निर्णय घ्या.

3. टेन्शन नको : बऱ्याचदा नेमका कोणत्या अभ्यासक्रमाला प्रवेश घ्यायचा? हे सुचत नसल्याने तुम्हाला टेन्शन येऊ शकते. त्यामुळे या गोष्टीचा जास्त विचार न करता शांत डोक्याने विचार करा, मगच निर्णय घ्या. 

4. दुसऱ्यांचा विचार नको : दुसऱ्यांनी काय केलं? त्यांनी कुठे प्रवेश घेतला? याचा विचार करू तुम्ही टेन्शनमध्ये घेत बसू नका. अशात दुसरे काय करतात याचा विचार करण्यापेक्षा तुम्ही तुम्हाला काय करायचं आहे, याचा विचार करा, नक्की फायदा होईल.