बीडमध्ये विम्याचे एक कोटी मिळविण्यासाठी चक्क पत्नीनेच करवून घेतला पतीचा खून

बीडमध्ये पती-पत्नीच्या नात्याला काळिमा फासल्याची घटना समोर आली आहे. एक कोटी रुपयांचा विमा पदरात पाडून घेण्यासाठी, चक्क एका महिलेने सुपारी देऊन पतीचा काटा काढलाय. डोक्यात टामीने मारून हत्या केल्यानंतर, मारेकऱ्यांनी अपघात झाल्याचं भासविलं. 

मात्र बीड पोलिसांनी कौशल्यपूर्ण तपास करुन या सिनेस्टाइल मर्डरच्या थराराचा उलगडा केलाय. मंचक गोविंद पवार असे मयत व्यक्तीचे नाव आहे. दरम्यान याप्रकरणी आरोपी पत्नी गंगाबाई मंचक पवार अन्य ५ जणांवर खुनाचा गुन्हा नोंदविण्यात आला आहे.