लसीकरणाबाबत मनात काही प्रश्न आहेत ? जाणून घ्या लसीकरणाविषयी सर्व प्रश्नांची उत्तरं

देशभरात कोरोना लसीकरणाच्या तिसऱ्या टप्प्यामध्ये  १८ वर्षा वरील नागरिकांच्या लसीकरणाला परवानगी देण्यात आली आहे. या दरम्यान पुढीलप्रमाणे काही काळजी घेणे गरजेचे आहे.

●कोरोना लस किती सुरक्षित आहे ?

उत्तर: कोरोना लस इतर आजारांवरील लसींप्रमाणेच सुरक्षित आहे.

● महिला मासिक पाळीमध्ये लस घेऊ शकतात का ?

उत्तर: होय.

● गरोदर महिलांनी लस घ्यावी का ?

उत्तर: गरोदर महिलांनी लस घेऊ नये.

● बाळाला स्तनपान करणाऱ्या मातांनी लस घ्यावी का ? 

उत्तर: या संदर्भात काही सूचना जारी करण्यात आलेल्या नाही. मात्र आपल्या डॉक्टरांचा सल्ला घ्यावा.

●  मधुमेह , उच्च रक्तदाब, थायरॉईड कमी किंवा जास्त होण्याच्या आजार असल्यास लस घेणे सुरक्षित आहे का ? 

उत्तर: होय.

● * रक्त पातळ होण्यासाठी उपचार सुरू असल्यास लस घेणे सुरक्षित आहे का ?

उत्तर: लस घेण्यापूर्वी आपल्या डॉक्टरांचा सल्ला घ्यावा.

● २ आठवड्यांपूर्वी कोरोना झाला असल्यास आता लस घेता येऊ शकते का ?

उत्तर: नाही, कोरोना निगेटीव्ह आल्यानंतर १५-२० दिवसांनंतर लस घ्यावी.

● * कोणती लस चांगली आहे ? कोव्हिशिल्ड की कोव्हॅक्सिन

उत्तर: जी तुम्हाला उपलब्ध होईल ती लस घ्यावी.

●  दोन आठवड्यांपूर्वी रक्तातील प्लाज्मा दान केल्या असतील तर आता लगेच लस घेऊ शकतो का ?

उत्तर: होय.

●लस घेतल्यावर रक्तदान करता येते का ?

उत्तर: नाही, लस घेतल्यानंतर तुम्ही पुढील ६० दिवस रक्तदान करू शकत नाही. यासाठी रक्तदात्यांना रक्तदान करण्याचे आवाहन करण्यात येत आहे. जेणे करून पुढील दोन ते तीन महिने रक्ताची कमतरता भासू नये.

●  लसीचे काही दुष्परिणाम होतात का ?

उत्तर: लस घेतल्यानंतर ताप, अंगदुखी, इंजेक्शन घेतलेली जागा दुखणे, स्नायू दुखणे, लस घेतल्या नंतर कोरोना देखील होऊ शकतो. मात्र त्रास कमी होतो आणि मृत्यूचा धोका टळतो.

● कॅन्सरचे उपचार घेत असताना लस घेणे सुरक्षित आहे का ? 

उत्तर: होय मात्र लस घेण्यापूर्वी आपल्या डॉक्टरांचा सल्ला घ्यावा.

● लस घेण्यापूर्वी काय काळजी घ्यावी ?

उत्तर: लस घेण्यापूर्वी नेहमीप्रमाणेच मास्कचा वापर, सोशल डीस्टन्सिंगच पालन, वारंवार हात धुणे त्याचबरोबर 500MG ची पँरासिटीमॉल गोळी घ्यावी.

●  लस घेतल्यानंतर काय काळजी घ्यावी ? 

उत्तर: लस घेतल्यानंतर नेहमीप्रमाणेच मास्कचा वापर, सोशल डीस्टन्सिंगच पालन, वारंवार हात धुणे. ही काळजी घ्यावी.

●  लस घेतल्यानंतर देखील कोरोना नियमांच करावे लागेल तर लसीचा उपयोग काय ?

उत्तर: लस घेतल्यानंतर देखील मास्कचा वापर, सोशल डीस्टन्सिंगच पालन, वारंवार हात धुणे. या कोरोना नियमांचं करावे लागेल. कारण; लस घेतल्यानंतर देखील कोरोना होतो मात्र तुम्हाला होणारा त्रास लस घेतल्यामुळे कमी होतो आणि हॉस्पिटल मध्ये ऍडमिट होण्याची गरज भासत नाही.

● लसीचा दुसरा डोस कधी घ्यावा, दुसरा डोस घेणे अनिवार्य आहे का ?

उत्तर: होय लसीचा दुसरा डोस घेणे अनिवार्य आहे. पहिला डोस घेतल्यानंतर कोव्हिशिल्ड लसीचा दुसरा डोस ८ आठवड्यानंतर तर  कोव्हॅक्सिनचा दुसरा डोस ६ आठवड्यांनंतर घ्यावा.

Disclaimer :  आरोग्य विषयक लेखात दिली गेलेली माहिती प्राथमिक स्वरुपाची आहे. या माहितीचा उपयोग करण्यापूर्वी आपण डॉक्टर अथवा वैद्यकीय तज्ञाकडून खात्री करून घ्यावी. या माहितीची जबाबदारी ILOVEBEED घेत नाही.