👀 आदिवासी शेतक-यांना विजपंप / तेलपंप पुरवठा करणे

⚡ आदिवासी शेतक-यांना त्यांचा शेतीविकास किफायतशीरपणे होण्याच्या दृष्टीने उपलब्ध असलेल्या साधनाचा व उर्जेचा पुरेपुर उपयोग करुन त्याद्वारे जास्तीत जास्त जमीन ओलिताखाली आणून आदिवासींचा आर्थिक विकास साधण्याच्या हेतूने 100 टक्के अनुदानावर विजपंप / तेलपंप पुरविण्यात येते.

🧐 योजनेच्या प्रमुख अटी :

• आदिवासी शेतक-यांना विजपंप मंजूर करतांना त्यांच्या शेतातील पाण्याचे साधन असलेल्या विहिर / नाल्यास कमीत कमी सहा महिने पाणी उपलब्ध असणे आवश्यक आहे.

• आदिवासी शेतकरी स्वत: जमीन कसत असावा.

• 60 आरपेक्षा कमी जमीन ज्यांच्या नावाने असेल अशा किंवा 3 लगतच्या जमीन धारकांना एकत्रित येऊन करार लिहुन दिला तर एकापेक्षा अधिक लाभधारक एकत्रितपणे या योजनेचा लाभ घेऊ शकतील. मात्र अशा एकत्रित आलेल्या शेतक-यांची एकूण जमीन 60 आरपेक्षा जास्त असावी.

• या योजनेखाली ज्या गावात / शेतात विजपुरवठा केला जाऊ शकतो त्या गावच्या शेतक-यास विजपंप व जेथे वीजपुरवठा केला जात नाही अथवा 3 वर्षात केली जाण्याची शक्यता नाही, अशा ठिकाणी तेलपंप पुरविण्यात येतो.

📄 आवश्यक कागदपत्रे :

▪ अनुसूचित जमातीचा जातीचा दाखला.

▪ 7/12 उतारा.

▪ पाणी उपलब्ध असल्याचा भुजल सर्वेक्षण यंत्रणेचा दाखला व नदी नाल्याकरीता पाणी उपासण्याकरीता संबंधित सक्षम अधिका-याचे परवानगी पत्र.

▪ वीजपंपाकरीता महावितरणाचे आवश्यक सुसाध्यता दाखला.

👍 लाभाचे स्वरूप असे : या योजनेखाली ज्या गांवात / शेतात विजपुरवठा केला जाऊ शकतो. त्या गावच्या शेतक-यास विजपंप व जेथे वीजपुरवठा केला जात नाही किंवा ३ वर्षात केली जाण्याची शक्यता नाही, अशा ठिकाणी तेलपंप पुरविण्यात येतो.

🏢 या ठिकाणी संपर्क साधावा : 

▪ संबंधित प्रकल्प अधिकारी, एकात्मिक आदिवासी विकास प्रकल्प.

▪ प्रादेशिक व्यवस्थापक / उपप्रादेशिक व्यवस्थापक, महाराष्ट्र राज्य सहकारी आदिवासी विकास महामंडळ.

📍 (टीप : वरील योजनेच्या नियमात किंवा आणखी काही बाबींमध्ये बदल असू शकतात. वाचकांच्या माहितीकरिता सदर माहिती संकलित करण्यात आली आहे. तरी काही त्रुटी वाटल्यास वाचकांनी पुनश्च एकवार खात्री करून घ्यावी.)