🤓 दुसऱ्याने जांभई दिल्यावर आपल्यालाही का येते?

जांभई ही अशी क्रिया आहे जी एकाने केली की लगेच दुसरा करतोचा. पण, असे का होते? याविषयावर इंग्लंडमधल्या नॉटिंगहॅम विद्यापिठाच्या संशोधकांनी संशोधन केले आहे.

संशोधकांच्या म्हणण्यानुसार, एखाद्या व्यक्तीने जांभई दिल्यानंतर आपण जांभई देणे रोखू शकत नाही. मेंदूत घडणाऱ्या विशिष्ट क्रियांमुळे असे होते.

हे सर्व एखाद्या संसर्गासारखं आहे. यासाठी आपल्या मेंदूत होणाऱ्या काही विशिष्ट क्रिया जबाबदार आहेत. त्यामुळे तुम्ही कितीही प्रयत्न केलात तरी जांभई येणे रोखू शकत नाही.

याचे उत्तर मिळवण्यासाठी 36 लोकांचे सर्वेक्षण केले. यानंतर शास्त्रज्ञांच्या म्हणण्यानुसार, एखाद्याने जांभई दिली, की लगेचच दुसऱ्याने जांभई देणे याला ‘इकोफेनोमिनन’ म्हणतात.

संशोधकांच्या म्हणण्याप्रमाणे या संशोधनातून ज्या आजारांमध्ये ‘इकोफेनोमिनन’ दिसून येतो अशा आजारांबाबत माहिती मिळवण्यास मदत होऊ शकते.