💁‍♂️ शांत पालक होण्यासाठी खास टिप्स

हल्ली पालकांना मुलांवर नियंत्रण ठेवणे कठीण होऊन बसले आहे. त्यातच पालक स्वतःवरचे नियंत्रण गमावून बसत असल्याच्या तक्रारी सुरु असतात. अशात तुम्हाला शांत पालक होण्यासाठी पुढील टिप्स फायदेशीर ठरतील.

1. रागावू नका त्यांना समजून घ्या : वयानुसार मुलांच्या भेटीगाठी वाढतात. या दरम्यान ते अनेक नव्या गोष्टी शिकत असते. यातील काही गोष्टी आपल्याला पटतात तर काही खटकतात. यावेळी मुलांना रागावू नका त्यांना समजून घ्या. त्यांच्या चुकीची जाणीव योग्य शब्दात करून द्या.

2. संयम ठेवा : अनेकदा मुलं जास्त दंगा-मस्ती करतात. अशावेळी राग अनावर झाला कि, पालक दोन शब्द सुनावून मोकळे होतात. असे न करता संयम ठेवा, थोडा दीर्घ श्वास घ्या. जेव्हा मुलं शांत होईल तेव्हा हळुवार शब्दात त्याची समजूत घ्याला.

3. परिस्थिती हाताळा : मुलं जेव्हा जास्त हट्ट करेल तेव्हा तेव्हा प्रतिक्रिया देऊ नका. सगळं स्थिर स्थावर झाल्यावर परिस्थिती हाताळा.

4. सौम्य शिक्षा द्या : गरज पडली तर मुलांना एखादी सौम्य शिक्षा द्या. पण त्यानंतर त्याला हळुवार शब्दात चुकीची जाणीव करुन द्या.