💁‍♂ धक्कादायक बातमी गेवराईत मयत डॉक्टरवर गुन्हा दाखल

गेवराई  : गेवराईत मेडिकलमध्ये झालेल्या स्फोट प्रकरणाला वेगळे वळण मिळाले आहे. मयत झालेल्या डाक्टरनेच हा स्फोट घडवून आणल्याचा जवाब जखमी कंम्पाऊंडरने दिल्याने पोलीसांनी मयत डॉक्टर सुधाकर भाऊसाहेब चोरमले (वय 35 रा. बाग पिंपळगाव ता.गेवराई ) व कम्पाऊंडर सुनील माळी यांच्यावर गुन्हा नोंद करण्याची प्रक्रीया सुरु केली आहे, अशी माहिती गेवराईचे उपविभागीय पोलीस अधिकारी स्वप्नील राठोड यांनी माहिती दिली. रात्री साडेदहापर्यंत गुन्हा नोंद झालेला नव्हता.

पोलीसांनी दिलेल्या माहीतीनुसार मयत डॉक्टरचा व मेडिकल चालकांचा देवाण-घेवाणीवरुन जुना वाद होता. त्या रागातून मयत डॉक्टरने कम्पाऊंडरला रात्री एकच्या सुमारास बोलावून घेतले. या मयत डॉक्टरने आधीच मेडिकलची एक बनावट चावी बनवून घेतली होती. त्या चावीने शटर उघडून डॉक्टर आत गेले.

आणि काही वेळातच मेडिकलमध्ये मोठा स्फोट झाला. या स्फोटात डॉक्टर दुकानाच्या बाहेर 15 फुट लांब फेकले गेले. तर बाहेर उभा कंम्पाऊंडर जखमी झाला आहे. घटनेची माहिती रात्रीच अग्निशमन दलाला मिळाल्यानंतर त्यांनी घटनास्थळी जाऊन आग विझवली.

त्यानंतर पोलीसांनी घटनास्थळी दाखल होत जागेचा पंचनामा केला असता त्यांना अनेक गोष्टी संशयास्पद आढळून आल्या. या प्रकरणाचा पुढील तपास उपविभागीय अधिकारी स्वप्निल राठोड, पोलीस निरीक्षक पुरुषोत्तम चोबे यांच्या मार्गदर्शनाखाली सपोनि.राजाराम तडवी करत आहेत.