💁‍♂️ कालिदास होके पाटील यांनी 10 दुकानांचा किराया केला माफ

माजलगाव : लॉकडाऊनमुळे सर्वस्तरातील लोक अडचणीत सापडले आहेत. अशात माजलगाव शहरातील हाके कॉम्प्लेक्समधील व्यापारी वर्गही अडचणीत होता. परंतु त्यांना शेतकरी असलेल्या कॉम्प्लेक्स मालक कालिदास होके पाटील यांनी मोठा दिलासा दिला आहे. कॉम्प्लेक्समधील अडचणीत सापडलेल्या 10 दुकानदारांचा महिन्याचा किराया माफ केला आहे.

शहरातील शिवाजी महाराज चौकात कालिदास होके पाटील यांचे कॉम्प्लेक्स आहे. या कॉम्प्लेक्समधील व्यापारी लॉकडाऊनमुळे दोन महिन्यापासून अडचणीत सापडले होते. दुकाने बंद असताना किराया असा द्यायचा असा प्रश्न त्यांच्यासमोर होता. ही त्यांची चिंता कॉम्प्लेक्स मालक कालिदास होके पाटील यांनी काहीशी कमी केली आहे. त्यांनी 10 दुकानदारांचा महिन्याचा किरायाचा माफ केला आहे. त्यामुळे व्यापारी बांधवांनी आनंद व्यक्त केला. व्यापारी महासंघासह अन्य व्यापारी संघटनांकडून त्यांचे कौतूक करत आभार मानले आहेत.