👀 उदगीरच्या सात कंटेनमेंट झोनमध्ये पोलिसांचा पहारा

लातूर बातम्या । कोरोना अपडेट

उदगीरात गेल्या पंचवीस दिवसांमध्ये कोरोना बाधित रूग्णांच्या संख्येचा एकूण आकडा 44 वर पोहोचलेला आहे. 25 एप्रिल रोजी कोरोना बाधित वृद्ध महिलेच्या मृत्यूनंतर शहरातील एक मोठा भाग कंटेनमेंट झोन म्हणून घोषित करण्यात आला आहेत. प्रशासनाच्यावतीने आज पर्यंत एकूण सात कंटेनमेंट झोन घोषित करण्यात आलेली आहेत. या झोनमध्ये पोलिसांचा खडा पहारा सुरू आहे. 

उदगीरात तीन दिवसांमध्ये एकूण 15 कोरोना बाधित रुग्ण आढळून आलेली आहेत. त्यामुळे आनंदनगर आणि सोमनाथपूर येथील ग्रामीण पोलीस ठाण्याच्या पाठीमागील वस्ती असे दोन परिसर कंटेनमेंट झोन 4 व 5 असे शनिवारीच जिल्हाधिकारी तथा जिल्हा दंडाधिकारी जी. श्रीकांत यांनी घोषित केले आहे.

तर शहरातील गोविंदनगर भागात एक तर उदगीर जवळ असलेल्या बोरताळा तांडा येथे मुंबई येथून आलेले नऊ कोरोना बाधित रुग्ण आढळून आले आहेत. या पार्श्वभूमीवर जिल्हाधिकारी तथा जिल्हा दंडाधिकारी जी. श्रीकांत यांनी रविवारी सायंकाळी हे दोन्ही परिसर कंटेनमेंट झोन 6 व 7 असे घोषित केलेली आहेत. हा परिसर दिनांक 30 मे पर्यंत सील केला आहे. 

ILOVEBEED वर तुमच्या बातम्या / माहिती तसेच जाहिरातीसाठी संपर्क करा ilovebeed2019@gmail.com वर