💁‍♂️ लातूर होम क्वारंनटाईन होण्याच्या वादातून दोघांचा खून !

लातूर बातम्या : निलंगा तालुक्यातील मौजे बोळेगाव येथे विलगीकरणाच्या कारणावरून झालेल्या वादात दोघांचा खून झाल्याची धक्कादायक घटना दि.२४ रोजी पहाटे अडिचच्या सुमारास घडली.

नेहमी बाहेर राहणारा व नुकताच उत्तर प्रदेश येथून ट्रक घेऊन आलेल्या विद्यमान ततेराव बरमदे (रा. बोळेगाव) यास शत्रुघ्न पाटील यांनी सध्या कोरोंना साथ चालू असल्यामुळे तू रानात जाऊन रहा असे म्हणाले असता त्यावरून विद्यमान बरमदे व त्याच्या साथीदाराने पाटील यांना तू जास्त शहाणपणा करतोस असे म्हणत वाद घातला.
💥 मुस्लिम कुटूंबाला शिरखुरमा किटचे वाटप
दरम्यान, विद्यमान बरमदे यांची बहीण बोळेगाव शेजारील चांदोरी येथे राहत असल्याने तो तेथे गेला त्यानंतर चांदोरी येथिल नातेवाईकांना एकञीत करून पहाटे शहाजी पाटील यांचे घरावर दगडफेक करून आरोपी विद्यमान तातेरव बरमदे, अविनाश दत्तू माने, गणेश दत्तू माने, दत्तू रावसाहेब माने सर्व राहणार बोळेगाव व भरत सोळूंके, सचिन भरत सोळूंके,नितीन भरत सोळूंके, बिभिषण सोळूंके राहणार चांदोरी यांनी विद्यमान बरमदे गावातच राहतील, पाहू कोण काय करते ते? अशी धमकी देत दगडफेक करण्यास सुरूवात केली.
💁‍♂️ एकाच कुटुंबातील तिघांचा खून; बीड हादरले
याच दरम्यान या जमावाने चाकू हल्ला केला यात शत्रुघ्न पाटील यांचे वडील शहाजी किसन पाटील (वय ५०)  व त्यांचा पुतण्या वैभव बालाजी पाटील (वय २४) यांचा चाकूने खून करण्यात आला. तसेच शत्रुघ्न पाटील यांच्या भावास व चुलत भावास लोखंडी गजाने , लाथाबुक्याने मारहाण करून जखमी केले.
💁‍♂️ Latur Coroana Update : लातूर ११ जिल्ह्यात कोरोनारुग्ण वाढले !
या घटनेची माहिती मिळताच अप्पर पोलिस अधिक्षक हिम्मतराव जाधव, उप विभागीय पोलिस अधिकारी निलेश देशमुख, कासार सिरसीचे सहाय्यक पोलिस निरिक्षक रेवनाथ डमाळे यांनी घटना स्थळास भेट दिली असून याप्रकरणी कासार सिरसी पोलिस ठाण्यामध्ये वरील आरोपी विरुद्ध गु.र.न.१२६/२०२० कलम ३०२,३२६,३२४, ३२३,५०६,३३७,१४३,१४७, १४८, १४९ भादवीसह कलम १३५ मपोका नुसार गुन्हा नोंद करण्यात आला आहे.

ILOVEBEED वर तुमच्या बातम्या / माहिती तसेच जाहिरातीसाठी संपर्क करा ilovebeed2019@gmail.com वर