मुख्यमंत्री उद्धव ठाकरे यांनी सध्याच्या राजकीय घडामोडींवर माध्यमांसमोर येत आपल्या भावना व्यक्त केल्या.

एकनाथ शिंदे यांनी बंड केल्यानंतर मुख्यमंत्री उद्धव ठाकरे यांनी आज जनतेशी संवाद साधला. यावेळी त्यांनी आपल्या भावनांना वाट करून दिली तर सेनेशी बंड करणाऱ्यांनाही उद्धव ठाकरेंनी थेट समोर येण्याचं आवाहन केलं आहे. यावेळी बोलताना त्यांनी हिंदुत्व, महाविकास आघाडी, भाजप आणि एकनाथ शिंदेंचं बंड याविषयी महत्त्वाची भूमिका स्पष्ट केली.

कपिवाचे 100% शुद्ध हिमालयीन शिलाजीत - लैंगिक आरोग्यासाठी नैसर्गिक पोषण

बंडखोरांपैकी एकानेही मला समोर येऊन सांगावं, मी मुख्यमंत्रिपदी नको त्याक्षणी मी राजीनामा द्यायला तयार आहे. फक्त ज्यांना मी नको, त्यांनी मला सांगावं. मी राजीनाम्याचं पत्र तयार करुन ठेवलं आहे. मला कोणताही मोह नाही, असा निरोपच मुख्यमंत्री उद्धव ठाकरे यांनी बंडखोर नेते एकनाथ शिंदे यांनी दिला. त्यांनी त्यांच्या भाषणात नेमके काय मुद्दे मांडले, वाचा सविस्तर....

पवारसाहेबांच्या सूचनेनं मुख्यमंत्रिपद, पवारसाहेब, सोनियाजींनी विश्वास ठेवला : उद्धव ठाकरे

मुख्यमंत्री उद्धव ठाकरेंच्या फेसबूक लाईव्हमधील महत्त्वाचे मुद्दे...

- शिवसेना हिंदुत्वापासून दूर होऊ शकत नाही म्हणूनच आदित्य, एकनाथ शिंदे अयोध्येला गेले. हिंदुत्वावर बोलणारा मी पहिला मुख्यमंत्री.

- ही बाळासाहेबांची शिवसेना नाही अशी बातमी पसरवण्यात आली. २०१४ एकट्याच्या ताकदीवर ६३ आमदार शिवसेनेचे आमदार निवडून आले ती पण हिंदुत्वावर. शिवसेना कुणाची बाळासाहेबांची पण मध्ल्या काळात जे मिळाले ते याच शिवसेनेने.

- काही आमदारांचे फोन येतात. काल परवा निवडणुक झाली. हॉटेलमध्ये लघु शंकेला गेला तरी शंका. मी इच्छेपेक्षा जिद्दीने काम करणारा आहे. पवार साहेबांनी सांगितले, सोनियाजींचा आग्रह म्हणून मुख्यमंत्री झालो. नुसता स्वार्थ नव्हता.

- सत्तेसाठी एकत्र आलो. पण माझ्याच लोकांना मी मुख्यमंत्री नको असेल तर मग काय करायचे? मी त्यांना आपले मानतो त्यांचे माहिती नाही. तुम्ही पळता कशाला? त्यांच्यापैकी कुणीही सांगितले की मी मुख्यमंत्री नको तर मी सोडायला तयार. आज मी वर्षावर मुक्काम हलवतोय. पण हे समोर येऊन बोला.

- शिवसेनेचे लाकूड वापरून शिवसेनेवर वार करु नका. मला करोना झालाय मी राजीनामा देतो तुम्ही घेऊन जा. शिवसैनिक सोबत तोवर मी कुठल्याही आव्हानाला समोर जाईन.

- शिवसैनिकांना असे वाटत असेल तर मी पक्ष प्रमुख पद सोडायला तयार. पण शिवसेनेचा मुख्यमंत्री होणार असेल तर माझी तयारी.

- समोर या बोला. आम्हाला संकोच वाटतोय हे स्पष्ट सांगा. मी पद सोडायला तयार आहे. आयुष्याची कमाई पद नाही. त्यामुळे समोर या आणि माझ्याशी बोला...

- एकाने जरी माझ्याविरुद्ध मतदान केलं तरी माझी हार. त्यामुळे माझ्या समोर या आणि मला सांगा मी पद सोडेन

- मी राजीनामा तयार ठेवला आहे. आजपासून माझा मुक्काम मातोश्रीवर हलवतो.

- सध्याचं राजकारण म्हणजे रडकुंडीचा डाव