कानाने कमी ऐकू येण्याची कारणे व लक्षणे

आजकाल मोठ्याप्रमाणात होणाऱ्या ध्वनी प्रदूषणाममुळे बहिरेपणा हि समस्या सामान्य बाब झाली आहे, पण याच्या कडे गांभीर्याने पाहिले पाहिजे. कार, बसेस, ट्रेन यांचे मोठ्याने वाजणारे कर्कश हॉर्न मोठ मोठ्या कंपन्यांचे सायरन यामुळे मोठ्या प्रमाणात ध्वनी प्रदूषण होते. सततच्या या त्रासामुळे बहीरेपणा येऊ शकतो, यामुळे फक्त बहिरेपणा नाही तर शारीरिक व मानसिक त्रास होतो. जेंव्हा समोरची व्यक्ती बोलते तेंव्हा तो बोलत असताना काही विशिष्ट ध्वनी तरंग निर्माण होतात त्यामुळे हवेत कंपन उत्पन होतात, ज्यामुळे आपल्याला ऐकू येते, पण कमी ऐकू येत असल्यामुळे ही कंपन ऐकू शकत नाही, बहिरेपणा केवळ एका कानाने नाही तर दोन्ही कानाने होऊ शकतो. बहिरेपणा वर भरपूर उपचार उपलब्ध आहेत.

कानाने कमी ऐकू येण्याची कारणे

बहिरेपणा ची अनेक कारणे असू शकतात, बहिरेपणा हे नैसर्गीक हि असू शकते तर काहीना बहिरेपणा जन्मजात हि असू शकतो तसेच जसजसे आपले वय वाढत जाते हि समस्या उद्भवते खास करून वृद्धामध्ये हि समस्या जास्त करून आढळते. कामाच्या ठिकाणी होणारे मोठे आवाज, कानामध्ये होणारे संक्रमण, कानाच्या हाडाची कमी वाढ किंवा जास्त प्रमाणात वाढ, मोबाईल चा सतत वापर, हेडफोन चा वापर, मोठ मोठे साऊंड सिस्टीम मधून निर्माण होणारा आवाज, इत्यादी बहिरेपनाची कारणे असू शकतात.

कानाने कमी ऐकू येण्याची लक्षणे

कमी ऐकू येणे किंवा बहिरेपणा यांची लक्षणे आपल्याला काही कालावधी नंतर समजतात, यामुळे याच्यावर वेळेवर उपचार होत नाहीत. पण जेंव्हा पण आपल्याला बहिरेपानाची लक्षणे लक्षात येतील तेंव्हा याच्या कडे दुर्लक्ष करू नका डॉक्टरांकडे जाऊन याच्यावर त्वरित उपचार करावेत, बहिरेपणाची लक्षणे: कानामध्ये शिट्टी सारखा आवाज येणे, कमी ऐकू येणे किंवा फक्त मोठ्याने ऐकू येणे, फोन वर बोलताना कानात दुखणे, इत्यादी बहिरेपणाची कारणे आहेत ती आपण सहजरीत्या ओळखू शकतो.