💁‍♂️ पत्रकारांना दमबाजी करून सत्य लपणार आहे का ?

       

कोंबड झाकल्याने पहाट व्हायची अन सूर्य उगवायचा थांबत नसतो अस म्हणतात, ही म्हण कदाचित आयएएस झालेल्या जिल्हाधिकारी यांना माहीत नसावी. त्यामुळेच जिल्ह्यात कोणतीही घटना घडली की हे महाशय त्या ठिकाणी असलेल्या पत्रकारांना दमदाटी करत त्यांचे कॅमेरे, मोबाईल हिसकावून घेण्याचे आदेश देण्यात धन्यता मानतात, बाकी मूळ विषय मात्र यामुळे बाजूलाच राहतो.

जिल्हा रुग्णालयात बुधवारी रात्री अचानक गोंधळ होऊन रुग्णाच्या नातेवाईकांनी तोडफाड केली, ही माहिती मिळाल्यावर जिल्हाधिकारी स्वतः रुग्णालयात गेले, मात्र पाच मिनिटं ते दारात उभे असताना त्यांना साधे ग्लोव्हज देखील त्यांना कोणी दिले नाहीत, त्यानंतर वार्डात गेलेल्या जिल्हाधिकारी यांनी गोंधळ घालणाऱ्यांची खरडपट्टी काढली.

त्यावेळी तेथे हजर असणाऱ्या काही पत्रकार अन फोटोग्राफर यांनी मोबाईल मध्ये शूटिंग सुरू केली, हा प्रकार पाहून जिल्हाधिकारी यांनी ज्यांनी गोंधळ घातला, त्यांच्याकडे दुर्लक्ष करीत पत्रकारांचे मोबाईल जप्त करण्याचे आदेश दिले.