🧐 जीव धोक्यात घालून धरण काठावर तरुणांची स्टंटबाजी

बीडमधील पाली येथील बिंदुसरा धरण 98 टक्के भरलं आहे. धरण भरल्याने नागरिकांनी याठिकाणी गर्दी केलीय. 

सोशल डिस्टनसिंगचा फज्जा उडवीत उतावीळ तरुण जीव धोक्यात घालून धरणाच्या काठावर स्टंटबाजी करताना दिसत आहेत. कोरोना संसर्ग थांबविण्यासाठी बीड शहर लॉकडाऊन करण्यात आलंय. 

मात्र सर्व कायदे मोडत बीडकरांनी धरण परिसरात तोबा गर्दी केलीय. बिंदुसरा धरण 98 टक्क्यांपर्यंत भरल्याने कोणत्याही क्षणी मोठ्या चादरी वरून पाण्याचा विसर्ग होऊ शकतो. 

त्यामुळे प्रशासनाकडून याठिकाणी कोणीही जाऊ नये. असं आवाहन केलं जातंय. परंतु तरी देखील तरुण केवळ फोटो काढण्यासाठी जीवघेणा स्टंट करत असल्याचं पाहायला मिळतंय.