🍰 गोड खाण्याची सवय अशी सोडवा!

आपल्यापैकी बर्‍याच जणांना जेवणानंतर गोड खाण्याची सवय असते. मात्र एकदा हि सवय लागली कि, सुटता-सुटत नाही. अशावेळी खाली दिलेल्या काही साध्या सोप्या खाण्याच्या सवयी अमलात आणा तुमची गोड खाण्याची सवय कमी होईल...

1. नाश्त्यामध्ये प्रोटीनचे प्रमाण वाढवा : सकाळचा नाश्ता करणे सुदृढ आरोग्यासाठी अत्यंत आवश्यक आहे. एका अभ्यासानुसार असे समोर आले आहे की, नाश्त्यामध्ये प्रोटीनचे प्रमाण वाढवल्याने साखरयुक्त पदार्थ खाण्याची इच्छा कमी होते. त्यामुळे नाश्त्यात अंडे, कडधान्ये, शेंगा, दही आणि ताजी फळे यांचा समावेश करा. 

2. चहा प्या : चॉकलेट अथवा मिठाई खाण्याची इच्छा झाली की, एक कप चहा घ्या. यातही साखरेचे प्रमाण कमी असेल याची काळजी घ्या. एक कप चहा पिल्यास तुमची साखरयुक्त पदार्थ खाण्याची इच्छा लगेच कमी होण्यास सुरुवात होईल. 

3. झोपून घ्या : थोडे विचित्र वाटेल पण हा सुद्धा गोड खाण्याची इच्छा कमी करण्याचा एक उपाय आहे. जेव्हाही गोड खाण्याची इच्छा झाली की, थोडा वेळ झोप काढा. यामुळे केवळ गोडच नाही तर फास्टफुड खाण्याची इच्छाही कमी होते. 

4. पालक : पालकची भाजी सगळ्यांनाच आवडते असे नाही पण जर गोड खाणे कमी करुन वजन नियंत्रित करायचे असेल तर पालक खूपच उपयोगी आहे. पालकमध्ये असलेल्या थायक्लॉईड्समुळे गोड खाण्याची इच्छा आपोआप कमी होते आणि 43 टक्क्यांनी वजन कमी होते.

5. चित्रे न्याहाळत बसु नका : विश्‍वास बसणार नाही, पण गोड खाण्यामागे हे सुद्धा एक मोठे कारण आहे. आपण बर्‍याचदा आपल्या तोंडाएवजी डोळ्यांनीच खात असतो. यामागे मोठे कारण आहे ते जाहिराती. खाण्याच्या जाहीराती जेवढे पाहत बसाल तेवढेच ते खाण्याची इच्छाही वाढत जाते. फास्टफुड खाण्यामागेही तेच एक कारण आहे. यामुळे अशा जाहिराती आणि चित्रे न्याहाळण्याचे टाळा. 

Disclaimer : आरोग्य विषयक लेखात दिली गेलेली माहिती प्राथमिक स्वरुपाची आहे. या माहितीचा उपयोग करण्यापूर्वी आपण डॉक्टर अथवा वैद्यकीय तज्ञाकडून खात्री करून घ्यावी. या माहितीची जबाबदारी ILOVEBEED घेत नाही.