😔 2020 मध्ये मनोरंजन विश्वाने गमावले 'हे' हिरे!

'कोरोना'चे सावट कायम असताना 2020 मधील तब्बल सहा महिने उलटून गेले आहेत. मात्र या दरम्यान मनोरंजन विश्वातूनही अनेक धक्कादायक बातम्या आल्या. या काळात काही दिग्गज तर काही उदयोन्मुख कलाकारांचे आपल्यातून जाणे चटका लावणारे असेच होते. अशाच कलाकारांबद्दल...

●  जगदीप : सूरमा भोपाली फेम बॉलिवूडमधील ज्येष्ठ अभिनेते आणि विनोदवीर जगदीप उर्फ सैयद इश्तियाक जाफरी यांचे वयाच्या 81 व्या वर्षी निधन झाले.

●  सुशांतसिंह राजपूत : उदयोन्मुख अभिनेता सुशांतसिंह राजपूतने राहत्या घरी गळफास घेऊन आत्महत्या करत सर्वांनाच मोठा धक्का दिला. अद्याप या प्रकरणाचा पोलिस तपास सुरु आहे.

●  इरफान खान : हरहुन्नरी अभिनेता इरफानची एक्झिट सर्वात धक्कादायक होती. एवढा मोठा तारा तर अकाली निखळेल, अशी कल्पना कोणीही केली नव्हती.

●  ऋषी कपूर : ज्येष्ठ अभिनेते ऋषी कपूर यांची कर्करोगाशी लढाई अपयशी ठरली आणि त्यांची प्राणज्योत मालवली. इरफानच्या निधनाच्या अगदी दुसऱ्याच दिवशी ऋषी कपूर यांच्या निधनाची दुर्दैवी बातमी आल्याने सर्व सुन्न झाले होते.

●  चिरंजीवी सर्जा : कन्नड अभिनेता चिरंजीवी सर्जा याचे वयाच्या 39 व्या वर्षी हृदयविकाराच्या धक्क्याने निधन झाले.

●  वाजिद खान : संगीतकारद्वयी साजिद-वाजिद यांची जोडी यावर्षी फुटली. वयाच्या 47 व्या वर्षी वाजिद खानचा हृदयविकाराचा धक्का बसल्याने अंत झाला.

●  रत्नाकर मतकरी : ज्येष्ठ साहित्यिक आणि नाटककार रत्नाकर मतकरी यांचे वयाच्या 81 व्या वर्षी निधन झाले.

●  प्रेक्षा मेहता : 'क्राइम पेट्रोल' फेम अभिनेत्री प्रेक्षा मेहताने वयाच्या 25 वर्षी आत्महत्या केली.

●  सेजल शर्मा : 'दिल तो हॅप्पी है जी' फेम अभिनेत्री सेजल शर्माने देखील आत्महत्या केली.

●  मनमीत ग्रेवाल : 'आदत से मजबूर' आणि 'कुलदीप' सारख्या मालिकांमध्ये काम केलेला अभिनेता मनमीत ग्रेवालने वयाच्या 32 वर्षी आत्महत्या केली.

●  सचिन कुमार : 'कहानी घर घर की'मध्ये फेम अभिनेते सचिन कुमार यांचे हृदयविकाराच्या झटक्याने निधन झाले.

●  साई गुंडेवार : 'रॉक ऑन!!', 'पीके' आणि 'बाजार' सारख्या चित्रपटात भूमिका केलेले मराठमोळा अभिनेता साई गुंडेवार याचे अमेरिकेत कर्करोगावर उपचारादरम्यान निधन झाले. तो 42 वर्षांचा होता.

● शफीक अन्सारी : 'क्राइम पेट्रोल' फेम अभिनेते शफीक अन्सारी यांचे कर्करोगाशी झुंज देताना निधन झाले.

●  जगेश मुकाटी : 'तारक मेहता का उलटा चष्मा' फेम अभिनेते जगेश मुकाती यांचे निधन झाले.

●  योगेश गौर : 'जिंदगी कैसी ये पहेली' आणि 'कभी दूर जब दिन ढल जाए' सारख्या गाण्यांचे प्रख्यात गीतकार योगेश गौर यांचे वयाच्या 77 व्या वर्षी निधन झाले.

●  अन्वर सागर : 'वादा रहा सनम' आणि 'ये दुआ है मेरी रब से' सारखी गाणी लिहिणारे गीतकार अन्वर सागर यांचे वयाच्या 70 व्या वर्षी निधन झाले.

●  मोहित बघेल : सलमानच्या 'रेडी' चित्रपटात झळकलेला अभिनेता मोहित कॅन्सरमुळे काळाच्या पडद्याआड गेला.

●  निम्मी : बॉलिवूडच्या ज्येष्ठ अभिनेत्री निम्मी यांचे वयाच्या 87 व्या वर्षी वृद्धापकाळाने निधन झाले.

●  बासु चटर्जी : प्रख्यात चित्रपट निर्माते बासु चटर्जी यांचे वयाच्या 93 व्या वर्षी निधन झाले.

●  अनिल सुरी : बॉलिवूड निर्माते अनिल सुरी यांनी अलीकडेच जगाचा निरोप घेतला.

●  इम्तियाज खान : अमजद खान यांचे बंधू इम्तियाज खान यांचे देखील निधन झाले.