🚶‍♀️ प्रेमाची वाट पाहून ही प्रेम पूर्ण नाही झाले.

ही कथा आहे प्रिया आणि राकेशची आज सात वर्षांनी प्रियाच्या चेहऱ्यावर आनंद ओसंडून वाहत होते. किती दिवसाची प्रतीक्षा आज संपल्यासारखी तिला वाटत होती. आधी तिचं राकेशवर एकतर्फी प्रेम होते. ते क्लासमध्ये नववीत असल्यापासून तिला तो खूप आवडायचा. पण तिने कधीच त्याला ते सांगायची हिम्मत केली नव्हती. तो तिला फक्त क्लासच्या वेळेतच समोर दिसायचा. त्याच्याबद्दल तिला बाकी काहीच माहिती नव्हती.

Waiting for love, this love is not complete.

ती स्वभावाने खूप लाजाळू असल्यामुळे तिने त्याच्याबद्दल कधी तिच्या मैत्रिणींकडे सुद्धा विषय काढला नाही. पण तिने शेवटी ठरवले की क्लासच्या शेवटच्या दिवशी त्याला सांगायचं की माझं तुझ्यावर खूप प्रेम आहे आणि तू मला आवडतोस. पण नियतीच्या मनात काही वेगळं होतं. क्लासचा शेवटचा दिवस होता २५ मार्च पण त्या आधीच एक आठवड्या अगोदर राकेशचा अपघात झाला आणि तो त्या अपघातामुळे शेवटची परीक्षा पण देवू शकला नाही. त्यामुळेच त्याच क्लासला येणेही काय घरातून बाहेर पडणे पण बंद झाले. तिने खूप प्रयत्न केला त्याला contact करण्याचा, घरचा पत्ता शोधून ती त्याला भेटायला त्याच्या घरीपण गेली. पण आता तिला ते विचारण शक्यच नव्हत.

तिने विचार केला की हा यातून पूर्ण बरा झाला की नक्की विचारू.. पण त्याच वर्षी राकेश ते शहर सोडून दुसरीकडे शिफ्ट झाला. आणि प्रियाच्या सर्व अशा-आकांशा धुळीत मिळाल्या. ती खूप रडली जमेल तितका प्रयत्न केला त्याचा ठावठिकाणा शोधण्याचा. पण एकाही मैत्रिणीला तिने हे न सांगितल्यामुळे तिला कुणाची मदत पण नाही मिळाली. आता त्या गोष्टीला सात वर्ष झाली होती अजूनही तिने मनातून राकेशलाच आपला Life Partner म्हणून निवडलं होत. तिने Facebook वर Account बनवलं होतं. तिला मैत्रिणींकडून कळालं होतं की आपले सर्व शाळेतले मित्र-मैत्रिणी Facebook वर आहेत. म्हणून तिनेही सर्च केलं आणि तिला आज राकेशचं Profile दिसलं. तिने त्याला Request पाठवली. त्याच दिवशी राकेशने Request Accept केली. तिने राकेश कडे त्याचा नंबर मागितला होता आणि बरोबर आपली ओळख करून दिली नंतर त्याने तिला नंबर दिला. मग तिने त्याला कॉल करून खूप गप्पा मारल्या क्लास मधल्या गमती जमतींच्या आणि तिने राकेशला भेटायला बोलावल राकेशने तिला सांगितलं की तो आज खूप Busy आहे तर आपण उद्या भेटू. ती पण हो म्हणाली.

भेटीचा दिवस आला..

तो, "अरे, मी तुला ओळखलंच नाही कशी दिसायचीस तू क्लासमध्ये असताना आणि आता Totally Different”
ती, "हो रे थोडा बदल झालाय खरा, पण तू मात्र अजूनही तसाच दिसतोयस, कसं चालले आहे ?
तो, "माझं एकदम मजेत, अजून कोणी आहे का तुझ्या Contact मध्ये क्लास मधले"
ती, "हो रे त्या क्लास मधल्या सर्व मैत्रिणी आहेत संपर्कात. पण तू तर अचानक गायब झालास"
तो, "हो गं नवीन घर घेतलं होतं आणि आम्ही शिफ्ट होणारचं होतो त्यावर्षी, तर झालो एकदम अचानक. लग्न कधी करतेयस? का झालं पण?"
ती, "नाही रे अजून नाही. कुणाची तरी वाट बघतेय म्हणून अजून थांबलेय लग्नासाठी. पण आता विचार सुरु आहे बघू कदाचित लवकरच. पण तुझं झाल का लग्न?"
तो, "मागच्याच वर्षी झाल 'LOVE MARRIAGE' जरा लवकरच झालं पण जो होता हैं वो अच्छे के लिये होता हैं. असं विचार केला आणि केलं लग्न"

बस त्यानंतर प्रिया फक्त रडायची बाकी होती. तिने कसं तरी पटापट तिथून निघण्याचा प्रयत्न केला. राकेशला पण थोड विचित्र वाटल पण त्यालाही घाई असल्यामुळे तोही निरोप घेवून तिथून निघाला. त्यानंतर पूर्ण रात्र तिने रडून घालवली. आता हाच मोठा प्रश्न तिच्यासमोर उभा राहीला, ज्या प्रेमाची सात वर्ष वाट बघितली त्याचा अंत असा सात मिनिटात का झाला?