🏦 एसबीआय बंद ! SBI closed!

बीड -शहरातील जालना रोड भागात असलेले स्टेट बँक ऑफ इंडियाचे मुख्य कार्यालय आणि शाखा दुपारी एक वाजण्याच्या सुमारास अचानक बंद करण्यात आली .त्यामुळे ग्राहकांची तारांबळ उडाली तसेच अचानक बँक का बंद केली म्हणून चर्चेला उधाण आले आहे .

शहरातील मसरत नगर भागात दोन दिवसात सहा कोरोना पॉझिटिव्ह आढळून आले,त्यामुळे हिना हॉटेल पासून ते पाठीमागचा सगळा भाग कॅन्टोन्मेंट झोन घोषित करून संचारबंदी लावण्यात आली .तरीदेखील बुधवारी दिवसभर एसबीआय बँक सुरू होती .

या बँके जवळच पॉझिटिव्ह रुग्ण सापडल्यावर देखील बँक बंद न करता अचानक गुरुवारी दुपारच्या सुमारास बँक बंद केली गेली,सकाळी बँकेत व्यवहार करण्यासाठी लोक आले होते

मात्र अचानकच बँक प्रशासनाला कशी काय जाग आली माहीत नाही,त्यांनी जिल्हाधिकारी यांचे आदेश असल्याचे सांगत बँक बंद केली .बँक कधीपर्यंत बंद असणार याबाबत अद्याप माहिती मिळालेली नाही .