💁‍♂ आष्टी तालुक्यात युवकाची तर शिरूर मध्ये महिलेची हत्या

छेडछाडीच्या प्रकरणातून आष्टी तालुक्यातील कानडी खुर्द येथे संजय सुखदेव वळवले या तरुणास तीन-चार जणांनी बेदम मारहाण केली यात या युवकाचा मृत्यू झाला. तर दुसऱ्या घटनेत शिरूर तालुक्यातील मानूर येथे विवाहित महिलेची हत्या केली असल्याची घटना घडली. या हत्या सत्रामूळे खळबळ माजली आहे.

आष्टी तालुक्यातील कानडी खुर्द येथे संजय वळवले हा 35 वर्षीय युवकाच्या घरी छेडखानीच्या प्रकरणावरून तीन-चार युवक जाब विचारण्यासाठी गेले याठिकाणी गेल्यानंतर झालेल्या वादात या तीन-चार जणांनी संजय वळवले यास विटा ने मारहाण करण्यास सुरुवात केली. या मारहाणीत वीट छातीत लागल्याने संजय वळवले याचा मृत्यू झाला.

घटनेची माहिती मिळताच पोलिसांनी घटनास्थळी धाव घेऊन आरोपीविरोधात गुन्हा दाखल करण्याची प्रक्रिया सुरू केली होती. या प्रकरणातील आरोपी फरार झाले असून पोलीस आरोपींचा शोध घेत आहेत.
दुसऱ्या घटनेत शिरूर तालुक्यातील मानूर येथे मंदाबाई मोहन नागरगोजे वय वर्ष 55 या महिलेचा मृतदेह शेतात आढळून आला.

 जमिनीच्या वादातून मंदाबाई नागरगोजे यांची हत्या करण्यात आली असल्याचा पोलिसांचा प्राथमिक अंदाज आहे.ही घटना दुपारी तीन वाजता उघडकीस आल्यानंतर शिरूर पोलीस ठाण्याचे सपोनि सुरेश खाडे यांनी घटनास्थळी भेट दिली. याप्रकरणी पोलीस अधिक तपास करत आहे.