👫🏻 हात तुझा हाती होता - The hand was in your hand

Ilovebeed Team

जून ०४, २०२० जून ०५, २०२०

हात तुझा हाती होता..

काहीच फरक नाही पडला..

मृत्यु उभा माझ्या दारी होता..

बसं.. हात तुझा हाती होता..

प्रत्येक श्वास तुझ्या मिठीतला..

माझ्यासाठी खास होता..

बसं.. हात तुझा हाती होता..

डोळ्यांतुन ओघळलेला थेंब

माझ्यावरच्या प्रेमाची साक्ष होता

बसं.. हात तुझा हाती होता..

तो रुसलेला ओला रुमाल..

पाऊले मागे फिरताना हसला होता

बसं.. हात तुझा हाती होता..

क्षणांत वाढणारे अंतर पण..

श्वासांत तुझाच दर्प होता

बसं.. हात तुझा हाती होता..

प्राण नेण्या मृत्यु चुकला होता..

वचनांच्या बंधनात बहुदा फसला होता

बसं.. हात तुझा हाती होता..

बीड जिल्हा लाईव्ह बातम्या | Beed News | Beed News in Marathi