💁‍♂️ प्रशासकीय अधिकारी नेमावा: धुमाळ

पीएमपीएमएलच्या कामाची वाढती व्याप्ती आणि दिवसेंदिवस घटणारे उत्पन्न  यामुळे पीएमपीएमएल तोट्यात जात असून त्यावर प्रशासकीय अधिकाऱ्यांची नेमणूक करावी, अशी मागणी विरोधी पक्ष नेत्या दीपाली धुमाळ यांनी केली आहे. याबाबत त्यांनी उपमुख्यमंत्री अजित पवार यांच्याकडे ही मागणी केली आहे.

पीएमपीएमएलचे अनेक प्रश्न प्रलंबित आहेत. तसेच रोजनदारीवर काम करणाऱ्या जवळपास अडीच हजार कर्मचाऱ्यांना दोन महिन्यांपासून वेतनच दिलेले नाही. त्यामुळे खूप अडचणींचा सामना करावा लागत आहे.

कोरोनामुळे लॉकडाऊन असल्याने हे कर्मचारी वैतागले आहेत. शासनाचा आदेश असतानाही या कर्मचाऱ्यांना वेतन देण्यात आले नाही. त्या कर्मचाऱ्यांना वेतन द्यावे, अशी मागणी व्यवस्थापकीय संचालक नयना गुंडे यांच्याकडे केली.
मात्र, त्यांनी पैसे नसल्याने वेतन देता येत नसल्याचे संचालकांनी सांगितले आहे. पुणे आणि पिंपरी – चिंचवड महापालिकांनी आर्थिक मदत करावी, असे गुंडे म्हणाल्या.

काही महिन्यांपूर्वी प्रशासकीय अधिकारी तुकाराम मुंडे यांची नियुक्ती करण्यात आली होती. त्यानंतर त्यांनी सुधारणा करण्याचा सपाटाच सुरू केला होता. मात्र, त्यानंतर मुंडे यांची बदली करण्यात आली.
नयना गुंडे यांची यशदा या ठिकाणी बदली झाले आहे. त्यांच्याकडे पीएलपीएमएलचा पदभार आहे.त्यामुळे या ठिकाणी प्रशासकीय अधिकाऱ्याची नेमणूक व्हावी, अशी मागणी धुमाळ यांनी अजित पवार यांच्याकडे केली आहे.