🧐 लग्न पडलं महागात; तब्बल 6 लाखांचा फटका!

⚡ कोरोनाच्या संकट काळात लॉकडाऊनमुळे अनेकांचे विवाह लांबणीवर गेले आहेत. त्यातच लग्न करणं एकाला चांगलंच महागात पडलं आहे. त्याला तब्बल 6 लाख 26 हजार 600 रुपयांचा फटका बसला आहे.

💁‍♂️ संसर्ग : राजस्थानमधील भिलवाडा येथे ही घटना घडली. भिलवाडा येथील भड्डा मौहल्ली येथे राहणारे घीसूलाल राठी यांना मुलगा रिझुलच्या लग्नात परवानगीपेक्षा जास्त पाहुण्यांना बोलावणे महागात पडले. या लग्नात 16 लोकांना संसर्ग झाला असून कोरोनामुळे वराच्या आजोबांचा मृत्यू झाला आहे.

🏥 रुग्णालयात दाखल : लग्नात पन्नास पाहुण्यांच्या संमेलनासाठी कुटुंबाने परवानगी घेतली होती मात्र त्यांनी 250 लोकांना आमंत्रित केले. कोणतेही मास्क आणि सॅनिटायझर्स वापरले नाहीत, शिवाय सोशल डिस्टंसिंगचेही पालन केले नाही. भिलवाडा वैद्यकीय विभागाने 58 जणांना फॅसिलिटी आणि 15 पॉझिटिव्ह रुग्णांना रुग्णालयात दाखल केले.

👀 आदेश : या धोक्याची जाणीव असूनही 22 जूनला निकषांचे उल्लंघन आणि इतरांच्या जीवाला धोका निर्माण केल्याबद्दल कुटुंबाविरूद्ध एफआयआर दाखल केली होती. भिलवाडा जिल्हाधिकारी यांनी शनिवारी कुटूंबियांना पुढील तीन दिवसांत मुख्यमंत्री मदत निधीत 6,26,600 रुपये जमा करण्याचे आदेश दिले.

📌 सदर रक्कम या रूग्णांच्या चाचणी, उपचार, अलग ठेवणे, पृथक्करण वार्ड, भोजन निवास आणि रुग्णवाहिका तसेच वाहतुकीसाठी येणारा खर्चासाठी वापरली जाणार आहे. कुटूंबासह अन्य 16 व्यक्ती कोरोना पॉझिटिव्ह असल्याचे आढळले. यानंतर एकूण 58 लोकांना क्वारंटाइन केले आहे.