👨🏻‍⚕️ पुण्यात पहिल्या डॉक्टरचा मृत्यू

 महाराष्ट्र बातम्या : पुण्यातील मुंढवा- घोरपडी भागात राहणाऱ्या  डॉक्टरचा कोरोनामुळे मृत्यू झाल्याची घटना समोर आली आहे. संबंधित डॉक्टरवर 11 मे पासून उपचार सुरू होते. त्यांचा 13 मे ला कोरोनाचा अहवाल पॉझिटिव्ह आला होता.

ससून रुग्णालयात त्यांच्यावर अतिदक्षता विभागात उपचार सुरू असताना शुक्रवारी संध्याकाळी त्यांचे निधन झाले. अशी माहिती ससून रुग्णालय प्रशासनाकडून देण्यात आली आहे. त्यांच्या पश्चात डॉक्टर पत्नी व दोन मुले असा परिवार आहे.

हे डॉक्टर घोरपडी मुंढवा परिसरात त्यांच्या खासगी ओपीडीतून रुग्णांची सेवा करत होते. रुग्णांची सेवा करत असताना त्यांना कोरोनाचा संसर्ग झाला. शुक्रवारी (दि.22) रोजी त्यांचे उपचारादरम्यान निधन झाले.