🤔 केसांना शॅम्पू करताना 'या' चुका टाळा - Avoid 'these' mistakes when shampooing your hair

वेगवेगळे शॅम्पू वापरूनही जर तुम्हाला चांगला परिणाम मिळत नसेल तर याचे कारण केस धुतांना करत असलेल्या चुका असू शकतात. चला जाणून घेऊया केसांना शॅम्पू करताना कोणत्या चुका टाळायला हव्यात...

1. दोनदा शॅम्पू टाळा : एकाचवेळी सलग दुसऱ्यांदा पुन्हा शॅम्पू लावणे चुकीचे आहे. कारण याने केस अधिक ड्राय होतात. मात्र शॅम्पू करण्यापूर्वी तुम्ही केसांना तेल लावले असेल किंवा आपले केस ऑईली असतील, तेव्हाच दुसऱ्यांदा शॅम्पू लावू शकता. अन्यथा दुसऱ्यांदा शॅम्पू लावू नये.

2. थेट शॅम्पूचा वापर टाळा : बॉटलमधील शॅम्पू हातावर घेऊन थेट केसांना लावू नका. शॅम्पूमध्ये थोडं पाणी मिसळा. मग ते केसांना लावावं. कारण शॅम्पूचे टेक्स्चर थीक असते, अशातच ते थेट लावल्याने कुठे जास्त तर कुठे कमी लावले जाते आणि पूर्ण केसांमध्ये सारख्या प्रमाणात शॅम्पू लागत नाही.

3. केसांना समोरून शॅम्पू करणे टाळा : अनेक जण केसांना समोर घेऊन मग शॅम्पू करतात. जे चुकीचे आहे. केसांना नेहमी मागच्या बाजूने सरळच धुवायला हवे.

4. फक्त थंड पाणी टाळा : जर तुम्ही फक्त थंड पाण्याने केस धुत असाल तर याने केस तुटण्याची भिती अधिक असते. म्हणून केस नेहमी पहिले कोमट पाण्याने ओले करा. यामुळे आपल्या केसांची मूळं, पोर्स आणि हेअर क्यूटिक्लस ओपन होतात आणि शॅम्पूने चांगल्या पद्धतीनं केस स्वच्छ केले जावू शकतात.

Disclaimer : आरोग्य विषयक लेखात दिली गेलेली माहिती प्राथमिक स्वरुपाची आहे. या माहितीचा उपयोग करण्यापूर्वी आपण डॉक्टर अथवा वैद्यकीय तज्ञाकडून खात्री करून घ्यावी. या माहितीची जवाबदारी ILOVEBEED घेत नाही.