🌾 अ‍ॅग्री बिझनेस मॅनेजमेंट

देशाच्या अर्थव्यवस्थेत मोठे योगदान देणारे कृषी क्षेत्र वर्तमानकाळात फक्त खाद्य उत्पादनापर्यंत मर्यादित राहिलेले नाही. त्यामुळेच आजकाल कृषी आधारित उत्पादनांचे उत्पादन वाढविण्यासह करिअरचे नवे पर्याय या क्षेत्रात समोर येत आहेत.

आपल्या देशात अ‍ॅग्री बिझनेसला गुंतवणूक, उत्पादन, प्रक्रिया आणि विपणन या चार भागांत विभागले जाऊ शकते. तसेच अपुऱ्या माहिती तसेच ज्ञाननामुळे भारतात दरवर्षी शेतीचे मोठे नुकसान होते. हे कमी करणे आणि पिके वाढविणे यासाठी अ‍ॅग्री बिझनेस मॅनेजमेंटची मागणी वाढली आहे. या क्षेत्रामधून कोर्स करणाऱ्या विद्यार्थ्यांची संख्या कमी झाल्याने तज्ज्ञ व्यावसायिकांची कमतरता आहे.

सध्या सातत्याने बदलणाऱ्या व्यावसायिक दृष्टिकोनामुळे, तांत्रिक परिवर्तनामुळे, जागतिकीकरणामुळे, वाढत्या स्पर्धा आणि सरकारी नीतीमुळे आज शेती क्षेत्रातील व्यवसायापुढे अनेक प्रकारची आव्हाने उभी आहेत. केवळ  उदरनिर्वाहासाठी करण्यात येणाऱ्या शेतीने आज व्यावसायिक शेती आणि आयात-निर्यातीचे रूप घेतलेले आहे.

शेतीसोबतच अनेक प्रकारचे इतर व्यवसायही जोडलेले असल्याने अ‍ॅग्री बिझनेस मॅनेजमेंट हा अ‍ॅग्रिकल्चरल विद्यार्थ्यांसाठी आवडता करिअर पर्याय बनला आहे.

🤓 योग्यता काय? : या क्षेत्रात करिअर करायचे असल्यास संबंधित उमेदवाराला शेती क्षेत्राबद्दल आवड असावी.तसेच शेतीसंबंधी उत्तम समज,  बोलण्याची कला आणि ग्रामीण क्षेत्रामध्ये जाण्यासाठी कुठल्याही प्रकारची तयारी असणे आवश्यक आहे.

या क्षेत्रामध्ये प्रवेश घेण्यासाठी विद्यार्थ्याला अ‍ॅग्रिकल्चर/ हॉर्टिकल्चर/ फॉरेस्ट्री/एबीएम किंवा अ‍ॅप्लाईड सायन्स/ बायलॉजिकल सायन्स (बॉटनी)/ बायोटेक्नॉलॉजी/ बायोकेमिस्ट्री/ बायोफॉर्मेटिक्स/ मायक्रोबायोलॉजी यापैकी एका विषयामध्ये 60 टक्के गुण मिळवून पदवी घेणे आवश्यक आहे.

यासोबतच विद्यार्थ्याला कॉमन एंट्रान्स एक्झाम म्हणजेच कॅट किंवा मॅट या परीक्षा संबंधित संस्थेच्या विशेष चाचण्या उत्तीर्ण करणे आवश्यक असते. प्रवेश परीक्षेमध्ये विद्यार्थ्याचे एकूण गुण बघून अंतिम निवड होते. यासोबतच ग्रुप डिस्कशन आणि वैयक्तिक मुलाखत या गोष्टीही प्रवेश मिळवण्यासाठी गरजेच्या असतात.

🎯 नोकरीच्या संधी : वेअरहाऊसिंग, रिटेल, बीज, फर्टिलायझर अ‍ॅण्ड पेस्टिसाइड्स कंपन्या, बँका आणि विमा क्षेत्रात काम करू शकतात. तसेच व्यवस्थापन तज्ज्ञ, पॉलिसी मेकर शिक्षण संस्थांमध्ये नोकरी करू शकता.

💸 उत्पन्न : 

● संस्थानुसार सॅलरी पॅकेज वेगवेगळे असू शकते.
● या क्षेत्रात फ्रेशरला 15-20 हजार रुपये प्रतिमाहचे पॅकेज मिळू शकते.
● अनुभवानंतर हे पॅकेज 6 लाख रुपये प्रतिमाहपर्यंत जाऊ शकते.
● आयआयएमसारख्या पदवीच्या विद्यार्थ्यांसाठी प्रारंभिक अधिक पॅकेजही मिळण्याची शक्यता असते.
● शिक्षण क्षेत्रातही प्रारंभिक पॅकेज 3 लाख रुपये वार्षिक असू शकते.

🔎 माहितीचा सार, ज्ञानाचा भांडार एका क्लिकवर, त्यासाठी आजच डाऊनलोड करा ILOVEBEED APP : https://bit.ly/ilovebeednewsapp